Heimildaþáttur BBC um skimanir fyrir Downs-heilkenni sýndur hér á landi

Mánudaginn 20. mars kl. 20 n.k. mun ríkissjónvarpið sýna þátt BBC2 Heimur án Downs-heilkennis? - "A World without Downs-´s Syndrome? Í þættinum fjallar hin þekkta leikkona Sally Phillips um siðfræðilegar spurningar tengdar skimun fyrir Downs-heilkenni. Málefnið er henni skylt þar sem hún á son með heilkennið. Þátturinn var frumsýndir í Bretlandi í október sl. og hefur vakið heimsathygli. Í þættinum heimsækir hún meðal annars Ísland vegna hárrar tíðni skimana fyrir Downs-heilkenni hér á landi og fóstureyðinga í kjölfarið á því.