Vefsíðan "Down Syndrome Sites on the Internet" sem Dr. Len Leshin hefur haldið til haga inniheldur mjög gott yfirlit yfir hvað hægt er að finna á Internetinu og er mjög góður byrjunarpunktur fyrir fróðleiksfúsa. Vefsetur hans Len á www.ds-health.com inniheldur einnig heilmikið af upplýsingum um Downs-heilkenni. Fyrir utan að vera barnalæknir er Len faðir barns með Downs-heilkenni og er einstaklega fróður þegar kemur að Downs-heilkenni.

Vefsíðan www.downsyndrome.com er einnig ágætur byrjunarpunktur en hún inniheldur fjölmarga tengla inn á vefsetur sem fjalla um Downs-heilkenni. Vefsíða NDSS (National Down Syndrome Society) innheldur ýmsar upplýsingar svo sem síðan spurningar og svör (Q&A) og einnig er tenglasíðan þeirra vegleg. Tenglasíða IRSC (Internet Resources for Special Children) inniheldur fullt af tenglum ekki bara um Downs-heilkenni heldur um ýmsar fatlanir og ýmislegt sem tengist fötlunum.

Setrið The Down Syndrome WWW Page var ein af fyrstu góðu síðunum sem finna var hægt á netinu og er búin að vera til staðar síðan 1995. Annað vefsetur sem vert er að minnast á er Riverbend DS Group, en þetta setur inniheldur mikið af upplýsingum og góðar greinar um ýmislegt sem viðkemur Downs-heilkenni.

Sarah Duffen Centre er með gott vefsetur sem þeir kalla DownsNet. Síðurnar innihalda töluvert af góðum greinum um allskonar efni svo sem: talþjálfun, lestrarkennslu og unglingsárin. Þarna má finna margar greinar eftir prófessor Sue Buckley sem hefur verið aðaldriffjöðurinn í Sarah Duffen Centre.

"Love and Learning" er áhugaverð vefsíða. Hún er fjallar um aðferð sem foreldrar stelpu með Downs-heilkenni þróuðu til þess að kenna henni að tala, lesa og skrifa með góðum árangri. Þau hafa gefið út ýmiskonar efni bæði í bók, hljóð- og myndböndum sem margir hafa mælt með. Þeir sem hafa áhuga á Jóga er bent á skemmtilega síðu www.specialyoga.com. Á síðunni er fjallað um Jóga fyrir sérstök börn.

Aðdáendaklúbbur Chris Burke sem lék Corky í sjónvarpsþáttunum Gangur lífsins (Life goes on) er með síðu á slóðinni www.welcome.to/chrisburke. Þar má finna ýmsar upplýsingar um kappan hvað hann hefur haft fyrir stafni, upplýsingar um hljómsveitina hans og fleira.

Önnur síða sem vert er að nefna er síðan "What's Up With Downs? (The Kehler family)". Þessi síða innheldur töluvert af upplýsingum ásamt tilvísunum í aðra staði á netinu.

Richard Bailey er ljósmyndari sem á stelpu með Downs-heilkenni. Hann hefur undanfarin tvö ár gefið út falleg dagatöl með myndum af einstaklingum með Downs-heilkenni. Dagatal fyrir árið 2006 má finna á síðunni www.ds2006.com.