Börnin okkar

Börnin okkar er bæklingur sem gefin er út af hópi foreldra barna með Downs-heilkenni. Í bæklingnum er að finna myndir og kynningu á 34 íslenskum börnum sem öll eiga það sameiginlegt að hafa auka litning í frumum líkamans.


Með útgáfu þessa bæklings er reynt að styðja foreldra sem eignast barn með Downs-heilkenni, til að takast á við sorgina og óttan sem oft fylgir því að eignast barn með fötlun. Myndirnar tala best sínu máli og á þann hátt er reynt að sýna að börn með Downs-heilkenni eru fyrst og fremst börn, með sömu þarfir, langanir og tilfinningar og önnur börn.


Mestu gleðistundirnar í lífinu eru án efa að
fylgjast með barni sínu feta fótspor lífsins, sama
hvernig vegurinn kann að liggja.


Kilja, 32 blaðsíður og 15 x 21 cm. Bæklingurinn er ókeypis og hægt er að nálgast hann á skrifstofu félagsins, Háaleitisbraut 13.

Félag áhugafólks um Downs-heilkenni er með til sölu myndband sem fjallar um líf og störf barna og ungs fólks með Downs-heilkenni á Íslandi. Í myndinn er fylgst með lífi fimm einstaklinga á aldrinum 1-25 ára.
Fyrri hluti myndarinnar fjallar um þau Kötlu Sif 1. árs, Örnu Dís 4 ára og Daníel 8 ára.
Síðari hlutinn fjallar um Hlyn 16 ára og Mörtu Jane 25 ára.

Myndin er eftir Elínu Hirst, fréttastjóra Sjónvarpsins, en henni til aðstoðar voru Þorvarður Björgúlfsson myndatökumaður og Steindór Steindórsson klippari. Bjarni Hinriksson og Varlgerður Baldursdóttir, 6 ára, gerðu grafík.

Bók um Downs-heilkenni

Málþjálfun í daglegu lífi - Iréne Johansson

Málörvunaraðferð Iréne Johansson
og börn með Downs-heilkenni

Svo skrýtið sem það er, á tímum endalausra uppgötvana, aðferða og kenninga, þá finnst manni ekki sem nútíminn ríki þegar um er að ræða börn með Downs-heilkenni. Þrátt fyrir að vitað er um seinkaðan málþroska, þá á bara að koma í ljós hvort barnið muni tala! Kannast einhver við þetta?

Ég var sannfærð um það frá fæðingu barns míns, að ég skyldi ekki leyfa tímanum að líða án þess að gera nokkuð, jafnvel á fyrstu mánuðunum. Við skyldum njóta þess að eiga hvort annað.

Meira >>