Teppi handa Hetju - Myndir

Þann 7. nóvember gaf Bútasaumsfélag Íslands börnum með Downs-heilkenni bútasaumsteppi. Um er að ræða verkefnið „Teppi handa Hetju“ sem er gert að norskri fyrirmynd. Tilgangurinn er að gleðja langveik börn og börn með ýmiskonar raskanir á aldrinum 0-18 ára. Verkefnið hófst árið 2002 og hafa nú verið gefin hátt á 400 teppi.

Félag áhugafólks um Downs-heilkenni er afar þakklátt þessari gjöf og þeim góðu kveðjum sem Bútasaumsfélag Íslands færði okkar börnum og fjölskyldum þeirra. Formaður Teppi handa Hetju er Dagbjört Guðmundsdóttir og aðrar nefndarkonur eru Borghildur Ingvarsdóttir og Pálína Ingvarsdóttir.

Eins og sést á myndunum voru börnin alsæl með teppin! Kærar þakkir fyrir okkur.